LSD, STP, LBJ, DNA. USA = BNA. ríki eða fylki

Nú verður Beturvitringur að brjóta odd af oflæti sínu og fá botn í þetta mál með hjálp annarra.

USA vitum við að stendur fyrir "United States of America". Á íslensku er þar með skammstöfunin BNA fyrir Bandaríki NorðurAmeríku (veit ekki einu sinni hvernig á að setja þetta upp á íslensku).

Hvernig má það þá vera að í langflestum tilvikum er talað um hitt eða þetta fylkið í Bandaríkjunum?  Ekki eru þetta Bandafylki Ameríku. Kappið milli forsetaslagsframbjóðendanna fer fram í Iowa-fylki, nú eða þeir sleppa að taka þátt í þeim fylkjum sem þeim finnst ekki vert að eyða púðri í.

New York-borg er í New York-ríki, en oftast er talað um New York fylki.

Styðjið mig nú til sjálfsbjargar (svo ég geti haldið áfram að nöldra í öðrum )

Ef þetta eru ranghugmyndir mínar þá verð ég að snúa mig einhvern veginn út úr því, annars getum við ráðist á fleira fjölmiðlafólk, og reyni þeir bara að snúa sig út úr því.

Meira síðar.... ekki nærri búin

Athugasemdir

[Gunnar Hrafn Jónsson 10.1.2008 kl. 02:58]

http://is.wikipedia.org/wiki/Fylki

http://is.wikipedia.org/wiki/R%C3%ADki 

[Hólmdís Hjartardóttir, 10.1.2008 kl. 03:10]

Ég fagna ábendingum þínum.