Húsvíkingur hafði í hótunum við Kópavogsbúa

Mikið hefur verið rætt og ritað um nauðsyn eða óþarfa skilgreininga á uppruna og/eða þjóðerni/búsetu aðila í umfjöllun fréttamiðla.

Hvað er að því að láta fylgja upplýsingar um uppruna fólks og/eða búsetu þegar birtar eru fréttir eða aðrar umsagnir?

Af hverju má ekki segja að Pólverjar hafi barið aðra Pólverja í klessu?  (á e.t.v. að segja "Hópur manna lamdi á öðrum hópi manna í Keilufellinu"?)

Af hverju má ekki segja að hópur Asíuættaðra unglinga hafi lumbrað á skólabróður sínum í Hagaskóla?

Af hverju ætti ekki að segja frá ef 4 Litháar væru handteknir vegna innbrots?

Hvernig sneri þetta að okkur ef málin gengju í "hina áttina"?  Eigum við kannski ekki að segja frá því ef íslenskir óþokkar og ofstopamenn í annarlegu ástandi gengju í skrokk á pólskum trésmið? 

Það er líka svo komið eftir að farið hefur að bera á ört vaxandi glæpastafsemi útlendinga hér á landi, að taka fram þegar Íslendingar eiga í hlut, hreinlega til að bera blak af útlendingum sem annars yrðu e.t.v. "grunaðir" af almenningi.  Full ástæða er í frásögn af  innbroti og ráni að taka t.d. fram:  "Þrír íslenskir menn sem áður hafa komist í kast við lögin, lögðu íbúð við Laugaveginum í rúst og stálu öllum verðmætum og "söluhæfum" hlutum"

Hvaða voðalega hræðsla er þetta?  Vonandi heldur enginn að ég hafi horn í síðu Húsvíkinga þótt fyrirsögnin sé höfð svona, til að vekja athygli á málinu.

með kveðju,

íslenskur bloggari af höfuðborgarsvæðinu!

Athugasemdir

[Markús frá Djúpalæk, 20.4.2008 kl. 09:59]

Sigmundur Ernir orðaði þetta mjög vel í viðtali í vikunni. Hann sagði að ef upplýsingar um uppruna fólks þjónaði fréttinni ætti að sjálfsögðu að geta hans. Einföld regla og góð og veldur engum misskilningi.

[Hólmdís Hjartardóttir, 20.4.2008 kl. 11:07]

tek undirmeð síðasta ræðumanni.

Húsvíkingur.

[Beturvitringur, 20.4.2008 kl. 14:34]

Hver og hvernig á þá að skilgreina hvort og hvenær það "þjónar fréttinni"?

Ég fæ ekki betur séð en að það helgist af viðhorfi þess sem skrifar fréttina og þeirra sem lesa hana

[Nefródíta 20.4.2008 kl. 18:25]

Rétt hjá þér, Beturvitringur, "hver og hvernig" á að skilgreina "hvort og hvenær" þjóðerni "þjónar fréttinni"? Kíktu á síðuna hans Jónasar Kristjánssonar, jonas.is og líka á eyjan.is. Á báðum síðunum er vakin athylgi á frétt sem lítið hefur farið fyrir vegna þess að einhverjir tóku að sér (óumbeðnir) að meta hvað lýðurinn mætti vita. Helgar tilgangurinn meðalið???