Þurfum við e.t.v. að vara okkur líka?

Fékk þetta sent með tölvupósti á netfang sem eiginlega enginn veit um, frá sendanda sem ég þekki ekki. Því miður verð ég að taka undir margt af þessu:

"DÝRMÆTAST ER FRELSIÐ.
Á bókamarkaðinn er nú komin gagnmerk bók um innflytjendamálin í Noregi, eftir Hege Storhaug í þýðingu Magnúsar Þórs og gefin út af Bókafélaginu  Uglu.   Kilja í 360 bls. Á góðu verði.
Bókin er eiginlega reynslusaga Norðmanna af meir eða minna misheppnaðri innflytjendastefnu gagnvart einum hóp innflytjenda, þ.e.a.s.  Múslíma.  Þar sem samþættingin hefur að stærstum hluta brugðist til óhemju tjóns fyrir hið norska samfélag.
 
Hún sýnir hvernig hópar Múslíma hafa misnotað gestrisni og velferðarkerfi Norðmanna, til að mata krókinn á kostnað almennings í Noregi.  Hún tekur fyrir ferjuhjónabönd, þvingunarhjónabönd,  pólitískar og einstaklingsbundnar hótanir og þvinganir  Múslíma í garð eigin fjölskyldumeðlima og annarra Norðmanna,  heiðursmorð, umskurði, pólitísk vers úr Kóraninum, ættbálkasamfélagið og hugsunarhátt hans, hjónaband systkinabarna,  skapandi svindl og hugmyndaauðgi varðandi þau mál, gildismat Múslíma, kennsluaðferðir þeirra og innrætingu,  hvernig Múslímar éta innanfrá gestgjafaþjóðfélagið og eyðileggja það smám saman eftir því sem þeim fjölgar,  hversu vel aðrir trúarhópar aðlagast að frelsinu í Noregi  auðtrúa og hrekklausa stjórnmálamenn  og svo mætti endalaust telja.

Bókin er hreinn fjársjóður fyrir þá sem vilja vera tilbúnir stjórnlausu innflytjendaflæði til Íslands um leið og við göngum inn í ESB og hafa hugmynd um það hvernig fást á við Múslíma sem hafa engar fyrirætlanir um að samþættast gestgjafaþjóðfélaginu á nokkur hátt  nokkurn tíman  og fyrirlíta gildismat þeirra og íbúa aðra en Múslíma..

------------------------------------

Arafat forseti Palestínumanna um árabil gaf þessi fyrirheit.  ,,Fyrst tökum við laugardagsfólkið (Gyðinga)  síðan tökum við sunnudagsfólkið (Hið Kristna Fólk)."

MBK

Skúli Skúlason

Netfang: [e-mail]

Athugasemdir

[Díta 24.11.2008 kl. 20:01]

Ja, hvar á kona að byrja og hvar að enda athugasemd við þetta blogg. Kona, ég Nefródíta, er a.m.k. löngu komin með upp í kok á kúgandi orðræðu um flóttamenn og innflytjendur og tek því ekki lengur tillit til þeirra sem vilja ráða því hvað má segja og ekki segja.

Það er því miður sannleikur að sá hópur sem síst hefur aðlagast vestrænum samfélögum er hópur múslíma. Hvort ástæðan er svo aftur sú að þrákelni sé meiri meðal múslíma eða sú að múslímar eru stærsti hópur innflytjndenda og flóttamanna og þess vegna ber meira á þeim en öðrum, veit ég ekkert um. En vandræðagripirnir víða um Vestur-Evrópu eru múslímar, fram hjá því verður ekki horft.

Það sem einna mest fer í taugarnar á mér í tali hinn sjálfskipuðu góðmenna sem alltaf taka málstað múslíma gegn sinni eigin þjóð og menningu er að með því eru þeir að gera þeim múslímum sem vilja aðlagast erfitt fyrir. Þeir taka nefnilega í raun ekki málstað múslíma heldur taka þeir málstað þeirra múslíma sem vilja sniðganga siði og reglur hælislandsins. Hvers vegna þeir gera það er svo aftur spurning? Svarið getur t.d. verið að þeir sáu haldnir minnimáttarkennd. Það er svo aftur spurning hvers vegna minnimáttarkennd?

Meðal þjóða múslíma er ólæsi gríðarlega mikið vandamál. Því er ranglega haldið fram að í löndum þeirra sé skólaskylda, vegna þess að hið rétta er að í flestum landanna er fræðsluskylda (landinu er skylt að bjóða upp á fræðslu, en foreldrum er eftirlátið að ákveða hvort börnin sæki skóla). Ef það væri skólaskylda (börnin skylt að sækja skóla) þá væri búið að vinna á þessu vandamáli, en svo er ekki. Þekkingarleysið elur af sér hverja kynslóðina á fætur annarri sem lærir ekki að draga til stafs. Auðvitað er ólæsi meira meðal kvenna en karla, það þarf ekki að spyrja að því að strákar og karlar eru teknir fram yfir stelpur og konur í þessum löndum. Því segi ég þetta að sá/sú sem ekki kann að lesa er leiksoppur annarra og sú er því miður staða milljóna kvenna í þessum löndum.

Ég þykist vita að marga múslímakonuna sem fær hæli í vestrænu ríki langar að læra að lesa en staða hennar innan fjölskyldunnar er svo bág að hún má sín einskis. Og ekki bætir "góða" fólkið meðal vestrænna þjóða úr skák með því að umbera að konur séu látnar ganga þannig til fara að hinn almenni íbúi landanna forðast þær. Það vilja auðvitað allir vita hver er á ferð. Fólk gefur sig ekki að fólki sem hylur sig frá hvirfli til ilja. Og engan þekki ég sem kynnir sig fyrir manneskju sem er með blæju fyrir andlitinu (enginn veit hvort það er karl eða kona á bak við blæjuna því það sést ekki) og þannig er fjölskyldu viðkomandi tryggt að þessi manneskja mun aldrei aðlagast samfélaginu. Það er því spurning hvers vegna stjórnvöld þora ekki að segja hreint út við þá sem það þarf: Á vesturlöndum felur fólk ekki andlit sitt. Aldrei. Aldrei nokkurn tíma! Að umbera þetta er ekki dæmi um skilning (eins og haldið er fram) heldur hið gagnstæða: Með þessu leggjast stjórnvöld á árar með þeim múslímakörlum sem vilja halda konum sínum og dætrum frá samfélaginu.

Niðurstaðan af "góðmennskunni" er að þjóðirnar sjálfar missa samfélag sitt, t.d. Norðmenn Noreg og þeir múslímar sem vilja fá að vera manneskjur á vesturlöndum fá ekki tækifæri til vegna þess að heimamenn forðast múslíma af því að þeir eru komnir með upp í kok á öllum undirlægjuhættinum gagnvart múslímum sem gefa vestrænni menningu langt nef að þeir dæma og forðast alla múslíma, bæði þá sem setja trúnna sína nr. 1 og líka hina sem eru fyrst og fremst manneskjur.

Ætli það sé ekki best að hætta hér og halda áfram í næsta bindi ef þú vilt, Vitringur góður.

[Beturvitringur, 24.11.2008 kl. 22:32]

Nefródíta!!! Þú ert frábær penni. Það er auðvitað ekki bara það, heldur er málefnið skoðað án einstefnu. Flott. Þetta er svo langt, fyrir utan að vera gott og frábært, að þetta er heil bloggfærsla.  Þetta verðurðu að setja í blogg. Ég mun skrifa vel valin orð í athugasemdir og skrifa samþykki mitt. Ef þú bloggar ekki þetta sjálf (klippir og límir) þá verður einhver að gera það.

[Nefródita 25.11.2008 kl. 00:01]

Kæri Vitringur, þakka falleg orð. Þú mátt eiga þessa athugasemd mína og birta hana ef þú vilt eða skrifa eigin pistil út frá henni og ég mun þá skjóta upp kollinum í athugasemdadálkinum þínum. Blogga ekki sjálf, annars værum við auðvitað bloggvinir.

[Beturvitringur, 25.11.2008 kl. 03:10]

Af hverju geristu ekki einnota bloggari. Nú, eða dreifbloggari, sjaldbloggari, smábloggari eða þ.u.l.

Skráir þig inn, bloggar t.d. þetta og svo ekkert meira, nema skrifþörfin eða hvatning okkar fái þig til að skrifa smá. Ekki er ég í vinnu við að blogga og satt að segja hef ég alveg jafn gaman af því að skrifa í athugasemdir (eins og þú þá) Svo fæ ég líka ræpu stöku sinnum og læt þá gossa. Þegar enginn er heima, leiðinlegt í sjónvarpinu og/eða eitthvert hitamál er í umfjöllun, fæ ég mér kaffisopa (geymi á gólfinu) og pikka smá (meðan fingurnir ekki mótmæla eða eru með stæla)