Lítil og krúttleg bankasaga, nr 2

Af alkunnri smámunasemi og þörf fyrir að hafa allt á hreinu með það sem að mér víkur, fór ég betur yfir skilagreinina frá Landsbankanum þegar ég fékk endurgreidda 2/3 af sparifé mínu á peningamarkaðsreikningi LÍ.

Jú, ég kíkti yfir það um daginn en gekk ekki frá því í FÆL :)

Nú skoðaði ég betur. Jú, jú, ég fékk 68,2% eða 62,8% (gott og vel, ég man það ekki) en hitt veit ég að ég fékk ekki 1/3 af þeim peningum sem ég lagði inn þegar ég minnkaði við mig í húsnæði og nota til að geta greitt húsnæðislán af þeirri litlu.

 

 

Svo SPRAKK ÉG ÚR HLÁTRI, ÉG BORGAÐI FJÁRMAGNSTEKJUSKATT!!!  

Ég skil svosem alveg hvernig þetta er hugsað; tekin hefur verið sá hluti sem ég þó fékk útborgaðan og reiknaður fjármagnstekjuskattur á þann hluta, án tillits til "dauða hlutans"

En hálfa og tóma glasið = ég fékk þó 2/3 sem er MJÖG mikið miðað við það sem ég hélt í fyrstu.

Athugasemdir

[Emil Örn Kristjánsson, 12.12.2008 kl. 00:07]

Það er gott að geta séð hlutina í jákvæðu ljósi. Ekki veitir af.

[Beturvitringur, 12.12.2008 kl. 00:29]

Já, það er alltaf nauðsynlegt en mig grunar samt að hláturinn hafi frekar verið af hneykslan og undrun heldur en kæti

[Jóna Kolbrún Garðarsdóttir, 12.12.2008 kl. 01:18]

 Til hamingju með fjármagnstekjuskattinn.  2/3 eru betri en ekkert

[Beturvitringur, 12.12.2008 kl. 03:19]

Það er þó satt Jóna. Var í útlandinu þegar þetta allt var að gerast og það skemmdi "svolítið" fyrstu dagana þegar ég hélt ég hefði misst allt. Var jafnvel að skamma mig fyrir að eyða þá peningum í rándýra ferð. Guði sé lof að ég eyddi því þó.