Varð MÁL að rita MÁL um MÁL

Fávitaháttur í stað viðtengingarháttar (haft eftir málfarskennara)

og eignarfall á förum

RÚV                            „Ég held að þetta er ekki í þágu borgarinnar"

                                   „Við töldum að það sé óeðlilegt"

„Fræðingur"               „Húðin endurnýjar sig á þriggja mánaða fresti" (svipað og snákar þá?)

Málalengingar / ekki bara óþarfar, tilgerðarlegar líka (já, já, ég er hrokagikkur)

„Við gerðum áætlun fyrirfram"

„ ... getur haft alvarlegar afleiðingar í för með sér"  (algengt orðalag)

„ ... ólögmætt brot"  (J. M. hrl. eða hdl. sem finnst allt athyglivert

„ ... með farþega innanborðs"

„ Ef maður spáir í framtíðina"

„ ... á landamærum beggja landanna" (eru „sameiginleg" landamæri tveggja landa!)

„ ... bakkaði afturábak upp alla brekkuna"

(Nei, þetta er ekki uppspuni)

 

Dagblað: Seltirningar voru e-ð ósammála um skipulag:  „Við viljum koma í veg fyrir það áður en það verður"

*********************************

Mig langar svo að stofna verði varnarlið íslenskunnar og hef sett nokkur valinkunn á lista (þau vita ekkert af því  ) Ég get nefnilega hneykslast og fjasað en framtakið er lítið.

Ætli sé hægt að virkja einhverja framtakssama til aðgerða til verndar íslenskri tungu?  Ég tæki þátt, en er ekki „stofnandi" í eðli mínu.

Athugasemdir

[Hólmdís Hjartardóttir, 6.6.2008 kl. 01:31]

skelfing skelfing  en ég gæti sagt "ef maður spáir í framtíðina" '????

[Beturvitringur, 6.6.2008 kl. 02:32]

sussu bía :)  Auðvitað klúðrar maður e-u daglega, bara að tungumálið drabbist ekki alveg niður.

Ekkert fjas yfir (meðvituðum) slettum og stöku meinlokum. Verstar finnst mér íslensku þýðingarnar úr ensku aðallega: "Ég er ekki að skilja þetta"  - "Verandi forstjóri fyritækisins..."  "Hafðu góðan dag"  - Gamli málfarsfasistinn ég, brjallast.

[Beturvitringur, 6.6.2008 kl. 13:30]

Mér, íslenskusnobbaranum sjálfum, finnst málnotkun (ritmáls-) þín til fyrirmyndar

[Markús frá Djúpalæk, 6.6.2008 kl. 14:01]

Það er hlutverk okkar sem vinnum við fjölmiðla að standa vörðinn með öllum hinum, en Guð  minn góður, hvað getur stundum hrokkið upp úr manni í hita leiksins. Rósirnar eru margvíslegar og í öllum litum...

[Beturvitringur, 6.6.2008 kl. 15:55]

Markús, hef sagt það og segi það enn:  "Þú ert fyrirmyndar útvarpsmaður" og ekki bara er varðar málfar heldur líka samtalsljúfmennsku.

[Markús frá Djúpalæk, 6.6.2008 kl. 21:18]

Ástarþakkir - ég geri mitt besta ...

[Kristín M. Jóhannsdóttir, 7.6.2008 kl. 05:59]

Fínt hjá þér að fjalla um þetta. Vil samt benda á að 'ég er ekki að skilja þetta' er ekki þýðing úr ensku. Þetta er sjálfstæð íslensk breyting. Það má reyndar af og til heyra 'I am not understanding this' á ensku en er mun sjaldgæfara en íslenska afbrigðið. Ég hef búið í enskumælandi landi í tæp níu ár og ég rekst á miklu fleiri dæmi um þetta á íslensku en á ensku.

[Beturvitringur, 7.6.2008 kl. 19:46]

Takk fyrir það Kristín. Ég lít á þetta sem dæmigerð viðbrögð margra Íslendinga

Tökum upp annarra siði, málfar, gerviþarfir og hvaðeina og gerum það svo með "stæl"; miklu meira, stærra, hraðar og yfirgripsmeira en þó var gert "upprunalega"

[Kristín M. Jóhannsdóttir, 7.6.2008 kl. 20:50]

Það er mögulegt að eitthvað svoleiðis liggi að baki en ég er samt nokkuð viss um að aðrar ástæður liggja að baki. Þetta er hluti af stærri breytingu sem er að gerast í ensku samhliða íslensku.

[Beturvitringur, 7.6.2008 kl. 21:11]

a-ha forvitnilegt. Get ég leitað fróðleiks, t.d. e-s staðar á netinu?  Þetta er mitt hjartans mál og gott að fá leiðbeiningar og færðar röksemdir.  Það  gæti  annað hvort styrkt mann í trúnni eða fengið mann til að skipta um skoðun.

Takk KMJ 

[Kristín M. Jóhannsdóttir, 8.6.2008 kl. 04:41]

Eins og er er lítið hægt að finna um þetta á netinu en það vill svo til að doktorsritgerð mín í málvísindum (sem er í vinnslu) er um framvinduhorf í ensku og íslensku og það er heill kafli um svona setningar. Ég er hins vegar ekki búin að virta neitt af því efni ennþá.

[Sigurgeir Orri Sigurgeirsson, 9.6.2008 kl. 18:39]

Málfarsfasismi er með því skemmtilegasta sem ég veit um. Hann er nefnilega svo drepfyndinn, eins og til dæmis á landamærum beggja landanna, þetta er eitthvað svo heimskulegt og fyndið að það flokkast með bestu bröndurum.

[Beturvitringur, 10.6.2008 kl. 00:01]

Enda kynni ég mig ósjaldan sem "málfarsfasista" og geri það með yfirveguðu stolti!

Viss hluti málbulls er bráðfyndinn, sammála því, en stundum slær hjartað í mér einu sinni í röð, við að heyra t.d. Sigm.Ern.R. segja e-a konu hafa kvænst ... NN  Þetta var ekki lesbia að "kvænast" kynsystur sinni hendur bara venjuleg kjeddling að gifta sig.

Eitt af því sem ég elska:  "Það var svo mikill bylur að við sáum ekki útúr augunum!"  Bíddu, út úr hverju ætli þau hafi séð meðan hríðin gekk yfir, veideggi.