VIÐ verðum að taka á'ðessu! Djöfull tókum VIÐ þá vel! VIÐ unnum þá!

Veit ekkert um íþróttir, nema að maður fer í sturtu áður en farið er í sundlaug.

Nú ber svo við að ég missi lyst og fæ aukahjartslög (jafnvel sleglatif) og snert af bráðkveddu út af íslenska handboltaliðinu.

Velti oft fyrir mér; get aldrei almennilega gert mér grein fyrir meiningunni hjá t.d. feitum óálitlegum bjórvambarkörlum sem ræða fram og aftur: "Við verðum að taka þá í fyrramálið" Bíddu, þeir ætla að sitja í svefnsófanum eða letidrengnum og horfa á leikinn í sjónvarpinu (með bjór, kunni þeir við það "á þessum tíma")

Við uuuuuuuuunnnnnuuuummmm!  garga þeir þegar liðið hefur staðið í ströngu við að vinna leik; þessir frábæru íþróttamenn sem ættleiddir eru af þjóðinni þegar vel gengur ("strákarnir okkar")  Þessir hlunkar hafa ekki unnið í neinni íþrótt, það er handboltaliðið.

Þjóðarstoltið er að drepa mig núna og ég um það bil að ná í ættleiðingarpappírana!  En ÉG vann ekki, ÞEIR eru hetjurnar "okkar".

Athugasemdir

[Beturvitringur, 21.8.2008 kl. 04:01]

Þú og fjölskyldan þín ætlar sem sagt að horfa á imbann, nú eða fara til Costa del sol?   ha ha ha

Ég kann vel við þig : )

[Beturvitringur, 21.8.2008 kl. 04:04]

Gleymdi; mikið vildi ég að þú værir sannspár. Þá ættleiði ég a.m.k. hálft liðið. Hinn helminginn bið ég að ættleiða mig.

[Hólmdís Hjartardóttir, 24.8.2008 kl. 12:58]

Til hamingju með silfrið.....sem þínir ættleiddu drengir unnu sannarlega fyrir

[Beturvitringur, 24.8.2008 kl. 21:15]

ó já, og sömuleiðis. Landið og miðin eru í vímu. Vonandi finna þeir stoltið og andann í landanum.

[Hólmdís Hjartardóttir, 25.8.2008 kl. 00:10]

silfurvíma