Æ, æ, æ.

 

Er að hlusta á útvarp. Þáttarstjórnandi sagði að það ætti ekki að vera feimnismál að kaupa vítamín og steinefni vegna þurrks í leggöngum KVENNA. 

(Hvað um leggöng karla? )  . . . . . . .

 

. . . . . . .

Þetta væri hluti lífsins og ekki merkilegra en að kaupa

TANNkrem til þess að TANNbursta í sér TENNURnar.

 

Og, nei, þetta er ekki útlendingur.

Athugasemdir

[Auður 27.8.2008 kl. 03:07]

Ég er ekki alveg að ná þér!!!!  Hvað áttu eiginlega við "Betruvitringur" ???

[Beturvitringur, 27.8.2008 kl. 03:10]

Hvað er það sem þú skilur ekki ljúfan?

[Hólmdís Hjartardóttir, 27.8.2008 kl. 09:52]

nei nú dembi ég mér í baðið og hárgreiði mér vel á eftir

[Emil Örn Kristjánsson, 28.8.2008 kl. 16:34]

Fyndið en um leið sorglegt hvað málkennd fólks getur verið léleg.

[Beturvitringur, 28.8.2008 kl. 17:12]

Skítt með málkenndina. Það geta ekki allir verið góðir í öllu. Maður hefur bara væntingar til fjölmiðlafólks, kennara og annarra þeirra sem "smita" frá sér vitleysunni.

[Emil Örn Kristjánsson, 28.8.2008 kl. 23:16]

Kæri bloggvinur, ég er ekki að tala um að vera góður í einhverju. Það geta allir þroskað með sér málkennd rétt eins og fólk getur tamið ábyrgt aksturlag.

[Emil Örn Kristjánsson, 28.8.2008 kl. 23:17]

á að sjáfsögðu að vera "tamið sér ábyrgt aksturslag".

[Beturvitringur, 29.8.2008 kl. 01:48]

Ég skil hvað þú ert að fara. Er bara hreint ekki viss um að fólk geti þroskað með sér sterka málkennd. Það truflar mig svosem ekki neitt, en ég VIL EKKI að fólk í fjölmiðlum, kennarar og leikskólastarfsfólk bulli útí eitt. Það eitt að alast upp við ambögur frá blautu barnsbeini getur aftrað þroska í máltilfinningu.

Ég þekki marga foreldra sem ekki kunna einu sinni að beygja nöfn barna sinna! "Ég þarf að sækja Þorsteinn Már" - "Ég bað Þórir að gera þetta" "Við erum að fara í afmæli til Þórir Örn"

Mér finnst að fólk verði að taka próf í fallbeygingum nafna sem þau kjósa að skíra börnin. Hananú! urr

[Hólmdís Hjartardóttir, 29.8.2008 kl. 03:40]

Ég get sagt þér það eftir að hafa unnið á barnadeildum í 17 ár að það er undantekning ef foreldrar beygja seinna nafn barns!!

[Beturvitringur, 29.8.2008 kl. 04:11]

Já, er þetta ekki glatað? Hvernig eiga krakkaræflarnir að læra?

[Emil Örn Kristjánsson, 29.8.2008 kl. 09:21]

Ég hef lent í deilum við foreldra út af beyingum á nöfnum barna þeirra. Jafnan getað fært rök fyrir máli mínu og vísað í heimildir. Viðkomandi foreldrum til lítillar ánægju.

Svo ætti fólk einnig að færa sönnur á það kunni að beygja fyrirtækjanöfn áður en það fær þau skráð. T.a.m. er alltaf auglýst: Opið í Byggt og búið... aldrei: Opið í Byggðu og búnu.

[Beturvitringur, 29.8.2008 kl. 13:13]

?"Lesið í séðu og heyrðu"?

Vandasamt! Þori ekki lengra í þessu.  Það sker t.d. í eyru þegar gefin eru upp net- og/eða vefföng:  "Nánari upplýsingar hjá siminn.is" Gera verður ráð fyrir að það ylli endalausum misskilningi ef sagt/skrifað yrði: "... hjá símanum, punkti, ís"

[Ísdrottningin, 8.10.2008 kl. 00:59]

Þetta minnir mig á þegar ákveðinn tónlistarmaður  "í hringinum" var að lýsa bardaga á Sýn hérna um árið og minnti áhorfendur reglulega á netsíðuna "box punktur fimmtán"

[Beturvitringur, 8.10.2008 kl. 01:11]

Ísdrottning!  ha ha ha þennan hef ég ekki heyrt áður. Þessi tónlistarmaður er sér á parti. Örugglega fínn karl og smíðar oft góða tónlist en málkenndin er svo brengluð að maður getur hlegið sig máttlausan (nema þegar hún sleppur inní textana). Var það ekki hann líka sem vildi leggja áherslu á orð sín (eins og Kaninn gerir oft) "B O B A = bomba!" eða e-ð nálægt því?

Höldum áfram á blog punktur fimmtán!