Ættu að einbeita sér að fleiri gerðum göngulags en G-bletts-göngulagi

til dæmis að fylgjast með hegðun þeirra sem stöðugt eru með svartan bletta á tungunni. Herra mín trúr, þá þegðu víst margir í björtu. Burkatíska kæmist í hástig.

Svo mætti skilgreina þjófa- og ræningjagöngulag. Framhjáhaldsgöngulag.

 Undir þetta mættu svo lúðrasveitir spila hressandi göngulög.

Göngulagið kemur upp um G-blettinn

Athugasemdir

[Hólmdís Hjartardóttir, 7.9.2008 kl. 19:04]

Þú ert efni í göngulagssérfræðing

[Beturvitringur, 7.9.2008 kl. 20:28]

Hólmdís, ekki efnileg, heldur ER, hí hí

[Nefródíta 7.9.2008 kl. 23:18]

Vitringur minn kær, í hvaða flokk fellur þitt göngulag? Geturðu gefið greinargóða lýsingu sem gæti gagnast mér við að bera kennsl á þig?

Annars þá hef ég verið fjarverandi vikum saman en nú eru breyttir tímar á ný og ég mun reka inn nefið hér hjá þér tíðar en ég hef gert síðustu vikur og mánuði.

Láttu þér líða ósköp vel, gangi þér vel og gakktu vel!  Díta

[Beturvitringur, 7.9.2008 kl. 23:36]

Mér þykir þitt göngulag, Díta, jafn forvitnilegt. Gætum við e.t.v komið okkur upp sérstöku Nefbeturródívitritangs-göngulagi þannig að við þekktumst á fæti líka.

Mitt göngulag er svona frekar í útfararmolli, tylli mér stöku sinnum á þungan mars og ef ég er í stuði, þá er það negralíkfylgdargöngulag. Allt frekar hægt og drungalegt en þó með stöku trumbuslætti (þegar maður er einstaklega léttur í spori)

[Beturvitringur, 7.9.2008 kl. 23:37]

Haaalóóó aftur, ath að ég gef upp netfang!  Ef þú vilt leyfa mér að fatta hver þú ert. Kannski þekki ég þig þó bara alls ekki :(

[Nefródíta 8.9.2008 kl. 10:49]

Hún er heillandi hugmyndin um að við "þekkjumst á fæti", en þar sem göngulag þitt virðist vera allsérkennilegt  þá óttast ég að við verðum hreinlega tekin úr umferð ef við hönnum annað göngulag enn sérkennilegra með því að blanda mínu saman við þitt.

Annars þá er göngulag mitt afskaplega tignarlegt og rekur sig aftur til Forn-Egypta eins og nafn mitt gefur vísbendingu um. Ég þróaði þetta tignarlega göngulag fyrir rúmum 3.000 árum þegar ég var upp á mitt besta valhoppandi í sandöldunum í Efra-Egyptalandi. Þar á ofan er ég af aðalsættum og mér því ekki sæmandi að hengslast áfram eins og almúginn eða stunda þúfnagang.

Ef þú sérð tígurlega vaxna konu, framandi í útiliti sem liðast áfram eftir götunum af virðuleik sem þú hélst að væri bara til í skáldsögum þá er ég þar komin.  Díta