HEYRT OG SÉÐ . . . .(ekkert um Glýttnir)

Málfar í auglýsingum og víðar...

"... óskum eftir starfsmönnum til starfa á leikskóla..." (augl)

"... er vinsælasta efni við liðverkjum í Noregi ..."    (augl)

... í gönguferðum "er ég alltaf með tvo sokka meðferðis"  (fararstjóri)

... göngufólk ætti "að eiga tvo skó" (sami fararstjóri) 

"... rifta einhliða af öðrum aðilanum"   (útvarp)

"... varð fyrir því að tjóna bílinn..."    (þáttargm. í útv.)

"... þegar fólk hefur lent í tjóni"  (þáttgm. útv)

"Ég var að forða slysi"  (þáttgm.útv)

"... eins og ég segi alltaf: "Róm var ekki byggð á einni nóttu""  (vikulega í útv.)

"Þeir voru báðir ósammála"  (útvarp)

"Ungur maður stórslasaður eftir slagsmál við Austurbæjarskóla" (dagbl)

************************** 

Ofnotað, ofnotað, ofnotað. Skeyti í eina setningu útþvældum sápukúluorðum sem stjórnmálamenn og fleiri nota í ofskömmtum);

Þeir sem ekki eru öruggir um sitt bakland fyrir þessa vegferð, verða að taka til í eigin ranni fyrir ef þessi leiðangur á að takast

Athugasemdir

[Hólmdís Hjartardóttir, 30.9.2008 kl. 01:15]

Gott að fá tiltal fyrir nóttina

[Beturvitringur, 30.9.2008 kl. 01:29]

Jæja, skepnan mín. Verði þín vegferð inní svefninn góð og megir þú sofa í eigin ranni

[Ómar Ingi, 30.9.2008 kl. 08:54]

[Nefródíta 30.9.2008 kl. 14:03]

Hvað ertu að gera grín að fararstjóranum þótt hann vilji skó á báða fætur?  Já, ég er viljandi að misskilja þig! Er það ekki kallað málfarsfasismi að velta fyrir sér tölu orða og tala um tvenn pör af skóm? Tungumálið tekur breytingum, bla, bla, bla. Þú þekkir töflið eins vel og ég, þ.e. að þeir sem nenna ekki að læra málið skýla sér á bak við fasisma annarra. Var það nokkuð upplýst hverjum þeir voru ósammála þessi sem voru báðir ósammála?

[Beturvitringur, 30.9.2008 kl. 14:39]

Ég er fasisti / Ich bin ein Fazist. Við getum öll tíu verið sammála um að tvo skó verður maður að eiga, að því gefnu að við séum ekki einfætt eða þrífætt. Fer ekki nánar útí það. Takk Nefra fyrir auðsýnda samúð og veittar góðgerðir

[Nefródíta 30.9.2008 kl. 14:52]

Vitringur, ég er ekki kölluð Nefra . Þú ruglar mig alveg með . Kv. Díta

[Beturvitringur, 30.9.2008 kl. 16:41]

Takk DÍTA fyrir auðsýnda samúð og veittar góðgerðir (þ.e. stuðning og skilning :)  

[Sigurgeir Orri Sigurgeirsson, 2.10.2008 kl. 10:15]

Mikið er ég hrifinn af þér! Heimskulegt málfar er sprenghlægilegt og ekki veitir af því á þessum krepputímum.

[Beturvitringur, 2.10.2008 kl. 13:51]

SOS, - það er nefnilega málið. Maður rembist eins og rjúpan við staurinn; langar að leggja sitt af mörkum til að viðhalda góðu málfari.

Ef það tekst gleðst maður og hlær að ambögunum.

Ef það tekst ekki, getur maður alltjent hlegið að þeim, - alltaf ávinningur!