Hæstu meðallaun á landinu = líklega hárrétt staðhæfing!

Forstjóri fjármálafyrirtækis sagði aðspurður um launakjör starfsmanna fyrirtækis "hans" að þeir gætu vel við unað þar sem meðallaun þessa fyrirtækis væru þau hæstu í landinu.

Það er auðvelt að skilja það, hafi maður lágmarkskunnáttu í samlagningu og deilingu.

Starfsfólkið "hans" hefur flest skítsæmileg laun, ekkert framúrskarandi þó. 200-300þúsund króna mánaðarlaun kunna að vera nokkuð góð m.v. þau sultarlaun sem aðrir þurfa að láta sér nægja.

Auðvitað hafa heilarnir og topparnir af þessum græðlingum meira en ofangreinda upphæð.

Svo kemur það sem reddar MEÐALtalinu!  Mönnum reiknaðist svo til að umræddur forstjóri hefði 62 MILLJÓNIR á mánuði (eða voru það 65 milljónir. Skiptir ekki máli þótt skeiki um nokkrar milljónir á MÁNUÐI).

Setjum upp dæmi:  120 manns hafa að meðaltali 300 þúsund á mánuði = 360 milljónir. Svo bætum við einum starfsmanni við sem hefur 62milljónir [= 98.000.000] deilum þessu nú á 121 starfsmann, sem þá teljast samkvæmt þessu fá 809.917 KRÓNU MEÐALLAUN Á MÁNUÐI HJÁ FYRIRTÆKINU = frábær MEÐALLAUN á þeim bæ.

Það verður að virða forstjóranum til vorkunnar að þetta eru ekki allt LAUNatekjur. Eitthvað fæst með öðrum leiðum.

 

Ættu að einbeita sér að fleiri gerðum göngulags en G-bletts-göngulagi

til dæmis að fylgjast með hegðun þeirra sem stöðugt eru með svartan bletta á tungunni. Herra mín trúr, þá þegðu víst margir í björtu. Burkatíska kæmist í hástig.

Svo mætti skilgreina þjófa- og ræningjagöngulag. Framhjáhaldsgöngulag.

 Undir þetta mættu svo lúðrasveitir spila hressandi göngulög.

Göngulagið kemur upp um G-blettinn

Forsetafrú, menntamálaráðherra, ríksstjórnarbútur og silfur

 Hvernig ætli slúðrið hefði orðið EF . . .

... DM hefði verið viðstödd Arnarhólshyllinguna og "hegðað sér" eins og ÞKG gerði þar (nú kölluð "klappstýra stjórnarinnar")?   Hefði það ekki bara þótt opin og frjálsleg framkoma, og krúttleg?

 

 

Hvað ef ríkisstjórnarbúturinn hefði ekki mætt (á sama stað)? Héldu þeir sig ekki til til hlés, prúðir og stilltir?  Eigum við ekki að virða vilja þeirra til að sýna virðingarvott með nærveru sinni?

 

 

 

 Hefði e.t.v. einhver sett útá að "ekki létu þeir svo lítið að láta sjá sig" eða "þeim finnst líklega að þeir yfir þetta hafnir".  Sá ekki betur en að skipulagt væri eins og í fínni fermingarveislu. Fyrst tekur maður bakkann (ÓRG) svo servíettur og tvo mola... svo færir maður sig svo NÆSTI komist að

 

 

Röðuðust þeir ekki bara flott, liðsmennirnir?  Frá mér séð, skyggði EKKERT og ENGIN á þá. 

Hefði e.t.v. einhver sett út á uppröðunina ef strákarnir hefðu ekki "fengið" að taka í spaðann á nokkrum frammámönnum.  Hvað ef ríkisstjórnarkútarnir hefðu verið bakatil og strákarnir hefðu þurft að fara á bakvið og koma svo aftur framar á sviðið.

Velti þessu svona upp. 

Ég fyllist alltaf þakklæti þegar við höfum ekkert til að pirra okkur á eða hafa áhyggjur af annað en t.d. að nýi borgarstjórinn kyssi hliðarkoss    til vinstri.  Var hún ekki bara með frunsu (eða ógeðslegan varagljáa)

 

 

 

"SÚK" ekki gleyma (*_*)

Ekki gleyma

 Frá annars konar "súkki" (Jemen)

 

 

 

Litlar Jemenstelpur og lítill Jemenstrákur.

Eiga ekki öll skó en fengu gefins kjóla.

Mest vantar þau þó SKÓLA.

 

Útá það gengur allt þetta Perlusúkkævintýri

30. ágúst 2008   kl. 10-18

 

Æ, æ, æ.

 

Er að hlusta á útvarp. Þáttarstjórnandi sagði að það ætti ekki að vera feimnismál að kaupa vítamín og steinefni vegna þurrks í leggöngum KVENNA. 

(Hvað um leggöng karla? )  . . . . . . .

 

. . . . . . .

Þetta væri hluti lífsins og ekki merkilegra en að kaupa

TANNkrem til þess að TANNbursta í sér TENNURnar.

 

Og, nei, þetta er ekki útlendingur.

Niðurfall - mistak - útför - Tyrki - ræna

Löng; skeytastíl

Fullgreidd 3 vikna (f.tvo) Marmarisferð (Tyrkland) felld niður með litlum fyrirvara. Pöntuð önnur ferð. Ferðaskrst vildi halda andvirðinu sem innborgun á þá "nýju"; fá 200þús kr lán hjá mér í 5-6 mán.

Fannst það skítt, hafði þá þegar greitt 150þús inná á 2 vikna ferð fyrir 5 til Krítar, á sömu skrifstofu.  Alls hafði ég gert samning fyrir hátt í hálfa milljón. Fannst ég stórbokki og ætti að fá smá þjónustu : ) Þarna hafði ég þegar borgað um 350þús.

Við lokagreiðslu Marmarisferðar, kom í ljós að hótelbókun var röng (ein vika, í stað þriggja, á "réttu" hóteli)  Sendi ítrekað rafpóst til ferðaskrst en e-ð fleira hefur misfarist því aldrei kom svar, t.d. afsökunarbeiðni, að ég tali ekki um bætur í e-i mynd. 

Bað um aðstoð við flutningana sem sárabót. Það þótti afgr.stúlku sjálfsagt vegna mistakanna.  Svo þurfti eftirgangsmuni þegar til kom (slíkt gerðu farþegar alltaf sjálfir!) Með mátulegu fúllyndi, aumingjasvip og skvettu af ákveðni, marði ég það.

Segir svo ekki meira af samskiptum við ferðaskrst og fararstj þar sem þeir þvældust ekkert fyrir manni.

Allt gekk með sóma, bæði á "pantaða" og "hinu" hótelinu. Staðurinn eins og hver annar sjó-, sand- og sólarstaður fyrir fjölskyldur, fótafúna, fyllibyttur, gamalmenni og sólbrunamasókista. Veit ekki , - sé maður allt þetta í senn?! Vonaðist reyndar eftir e-u meira framandi en vindsængum, boltum, handklæðum, túristaglingri, börum, veitingastöðum og gull- og leðurbúðum.

Kunnugleg sjón?

Hvar skyldi þetta nú vera?

Svar: Í hvaða túristapotti sem er!

******************* 

Þá kemur að (Tyrkja) ráninu.

Fyrir túrleiða túrista verða göngutúrar og sjósundstúrar góð leið til aðdraganda að sturtubaði fyrir krossgáturnar og krimmana. Við þessar ferðir verða á vegi manns verslanir. Sumar má nota til að kaupa í matinn og svo eru aðrar sem eru misaðlaðandi. Til að koma heim með bút af Tyrklandi, auk þess sem mig vantaði úlpu, lagði ég leið mína í leðurbúðir.

                     

 Ákvað að kaupa síðan jakka/stuttan frakka?

 Allt virtist óforbetranlegum nískupúka, -  rándýrt.

 Og það átt eiginlega eftir að sannast.

 

Fann jakka/frakka sem ég tímdi að kaupa. "Slapp með" 650€  og það úr antílópuskinni sem er svo miklu betra og dýrara!?!?

Notaði greiðslukort, sló inn leyninúmerið. Gekk illa: "no connection". Reynt aftur. Gekk betur, kvitta líka. Hamingjan og frakkinn blöstu við mér. Áttaði mig á síðustu stundu að endurgreiddur væri 8 til 10% skattur á flugvelli, hefði maður kvittun. Alsælan heltók mig. 650-65 = 585€. Maður flottur á því og slapp vel!

Á flugvelli kom í ljós að kvittunin var ekki þeirrar gerðar sem skattur væri endurgr. útá. Skyldi sölumaðurinn aldrei hafa selt neitt áður úr landi? (Ekki svo vel að eigandinn hafi grætt á þessu, held ég)

Kortanotkunaryfirlit sýndi notkun hjá:

İçmeler Leather     /  İÇMELER Leather Gold

Anaçoğulları Kuy. Deri Tur.

Tic. Ltd. Şti.Cumh. Mah. Kayabal Cad. No. 31

Tel : [phone]  İçmeler/MARMARIS

Allt í lagi. Svo kom yfirlit næsta mánaðar ... og þar var líka innheimt frá sama fyrirtæki 650€. Hringdi í svindaraathugunarfyrirtækið. Sagði sögu mína, þau/hún reyndi hvað hún gat, í 3 mánuði. Niðurstaða:? Ég hafði 2x slegið inn PIN fyrir 650€, svo auðvitað bar mér að greiða 1300€, ekki satt? (verð á evru var ekki eins hátt og nú).  Starfskonan (hjá svindlaravörninni) var til fyrirmyndar og reyndi hvað hún gat, en ekki gekk rófan.

Seinn var ég að gá hvort merkimiði seljanda væri saumaður e-s staðar inní flíkinni. Nei, en þar stóð: Genuine Lamb Leather sem útleggst: "Lambskinn" nú eða viðsnúin rollugæra.  Skrýtin antílópa það! Frakkinn fíni en orðinn svo dýr að ég tími ekki í hann. Í stað 585€ fóru 1300€.

                                                                              

 

 

 

 

 

 

 Sláandi lík í úlpu en greinilegur munur á fæti.

 

Víti til varnaðar, en í öllum bænum EKKI dæma Tyrki og Tyrkland fyrir eina svindlarakrumpu sem náði að svindla á sauðsvörtum íslenskum sveitamanni!

Maður með húmör (sbr. blóðmör), ég kýs hann... út á það!

Bar(r)ack = braggi/bogaskýli, æ, æ,

Hótar að siga leyniþjónustunni á kærastana

Sálrænt áfall við bensíndælu

Keypti bensín í nótt. Valdi ódýrasta staðinn í nágrenninu. Ego, Skeljungur, Orkan og N1 urðu á vegi mínum og þó nokkur munur milli þessa staða.

Valdi Orkuna. Á dælunni stóð að lítrinn kostaði 158,80 (e.t.v.158,60, ekki alveg viss). Meðan ég stóð og dældi hátt í 40 lítrum á geyminn, heyrðist oggulítið hljóð; svona lágvært "klikk". Til að vera viss um að ekki væri eldhaf í vændum, vegna sprenginga í bensínbirgðunum, leit ég leiftursnöggt í áttina að hinu ógnvænlega "klikki".

Mér fannst eins og himnarnir hefðu lokast og bjóst frekar við frosti í helvíti, en því sem ég sá: Lítrinn hafði "klikkað" niður í 158kr. Æ, æ, og ég rétt að ljúka við dælingu, jæja 80 aurarx40lítrar eru nú ekki nema 32 krónur og það dugar ekki einu sinni fyrir kókómjólk.

Annað og jafnvel alvarlegra sjokk helltist yfir mig, þannig að mér lá við öngviti, þegar ég dró út kvittunina úr sjálfsalanum. Herra Tankur hafði tekið nýja verðið í reikninginn! svo ég fékk bæði lægsta lítraverðið OG þrjátíuogtúkallinn.  Fór heim og tók róandi.

  

 

 

 

 

 Ætli Samráðsstofnun viti af þessu?

VIÐ verðum að taka á'ðessu! Djöfull tókum VIÐ þá vel! VIÐ unnum þá!

Veit ekkert um íþróttir, nema að maður fer í sturtu áður en farið er í sundlaug.

Nú ber svo við að ég missi lyst og fæ aukahjartslög (jafnvel sleglatif) og snert af bráðkveddu út af íslenska handboltaliðinu.

Velti oft fyrir mér; get aldrei almennilega gert mér grein fyrir meiningunni hjá t.d. feitum óálitlegum bjórvambarkörlum sem ræða fram og aftur: "Við verðum að taka þá í fyrramálið" Bíddu, þeir ætla að sitja í svefnsófanum eða letidrengnum og horfa á leikinn í sjónvarpinu (með bjór, kunni þeir við það "á þessum tíma")

Við uuuuuuuuunnnnnuuuummmm!  garga þeir þegar liðið hefur staðið í ströngu við að vinna leik; þessir frábæru íþróttamenn sem ættleiddir eru af þjóðinni þegar vel gengur ("strákarnir okkar")  Þessir hlunkar hafa ekki unnið í neinni íþrótt, það er handboltaliðið.

Þjóðarstoltið er að drepa mig núna og ég um það bil að ná í ættleiðingarpappírana!  En ÉG vann ekki, ÞEIR eru hetjurnar "okkar".

Viljirðu ÆTTLEIÐA HVAL ...

... á þessi færsla ekki við þig. Þú kemur þér bara í samband við foreldrana.  Hendirðu alls kyns nytja- og skrautmunum, á þessi færsla heldur ekki við þig. Eigir þú ekkert sem þú ekki notar eða nýtir, hættu þá að lesa núna.

Sértu aftur á móti manneskja sem vilt ekki henda hlutum/varningi en vilt gjarna leyfa öðrum að njóta, ertu á réttu róli. Skítt með hvalina, en langi þig að styðja stelpur, ómenntaðar mæður og/eða drengi í Yemen, þá bið ég þig að renna yfir þetta.

Í PERLUNNI hinn 30.ágúst nk. verður markaður í anda arabalanda "Súk".  Þar verður allt mögulegt og ómögulegt til sölu.

Nú fer fram söfnun á varningi sem til sölu verður. Óskað er eftir:

Vel með förnum og vönduðum fatnaði; kjólum, skóm, pilsum, buxum, peysum, jökkum, veskjum, slæðum, sjölum, höttum, hönskum, jakkafötum, skyrtum, bindum, ermahnöppum, frökkum, beltum, töskum, barnafötum, leikföngum, hálsmenum, hringum, eyrnalokkum, armböndum, púðum, teppum, mottum, vösum, lömpum, dúkum og fleiru þvíumlíku.

Tekið er á móti varningi að Síðumúla 15 (gengið niður með austurhlið og inn að neðanverðu. 

Opin móttaka frá kl. 12:00 til 18:00 alla daga nema sunnudaga.

Auðvitað gefur maður ekki Pétri og Páli án þess að vita hvað um það verður.  hér er auglýsingin sem skýrir allt, s.s. tildrög söfnunar, markaðar og stuðningsstarfs Nouriu (núría) Hún er fyrir miðri mynd

  

 Kjólar, enginn skóli.

(Athugið að það sem ekki gengur út verður gefið í fatasöfnun Rauða krossins og Góða hirðinn.

Tískan ekki kynnt áfallalaust

Þetta sendi mér hann Töller, frábær vinur sem veit að ég er skepna.  Áhorfendurnir kóróna svo allt.

 

 

 

Ekkert blóð, engin byssa, engar ........ og enginn andsetinn

Samt var fullur salur af harla ánægðum áhorfendum. Þeir sem fæddir eru eftir upplausn sveitarinnar hefðu þó sennilega ekki eins gaman af myndinni. Sumir sem ekki hafa séð myndina, segja hana kellingamynd, en það er hún hreint ekki.

Vilji einhver horfa á saklaust ævintýri sem fléttað hefur verið í kringum hressilega tónlist Abba heitinnar, til að hlæja, komast í stuð og líða vel þegar upp er staðið, held ég að væri ráð að skella sér á "Mama mia"  Allavega gef ég myndinni mín bestu meðmæli.  Ef ekki hefði verið fyrir gigtarskanka og innanmein, hefði ég dansað út úr bíóinu

Skattaskaup og lífeyrisspaug

Ég hef það bara assgolli gott, takk! 

 

 

 

Þakka sérstaklega þeim sem borga skatta og gjöld til samfélagsins því frá þeim fæ ég launin mín.

Það sem mér aftur á móti finnst alltaf jafn "gekkt" fyndið er að manni skuli færður lífeyrir mánaðarlega og skattur og útsvar tekið af honum jafnharðan, - að hluta til af sama kerfinu.

Það sem er svo ennþá fyndnara er að ár eftir ár fær maður innheimtukröfu um að maður hafi fengið OF MIKIÐ greitt (jafnvel þótt EKKERT breytist milli ára)

 

 

Það er varla hægt annað en að hlæja að þessu >  >  >

Síðasta í flokknum "Óvenjuleg mannanöfn" > Konur (4:4)

Þetta er síðasti listinn (af 4) yfir mannanöfn sem ég safnaði fyrir 30-40 árum og mér þótti óvenjuleg ÞÁ (þegar ég safnaði þeim).  Sum nafnanna finnst mér ekkert undarleg núna.

Reyndar gæti ég fengið nafnakast síðar, þar sem blogggluggari sendi mér álitlegan lista með nútímalegri mannanöfnum.

Abigail	Engilráð		Kristlukka
Addbjörg	Epíphanía		Kristmey
Agnea	Erlína		Kristólína
Albertína	Ermenga		Kristvílín
Aldinnýja	Estíva		Lassarína
Alfífa	Evalía		Laufalind
Almannagjá	Evlalía		Leopoldína
Anína	Eyvalína		Lífgjöf
Arabella	Felldís		Lífvæna
Ardúlína	Fídes		Lindís
Auðna	Finney		Lisibet
Axelma	Fregn		Listalín
Ámisína	Freygerður		Ljósbjörg
Árbót	Friðljúf		Ljósbrá
Ársæl	Friðmey		Loftey
Baðdís	Friðsemd		Loftveig
Balbína	Frumrósa		Lundfríður
Baldey	Föbína		Maddý
Bárðlína	Gerborg		Malkista
Benía	Gestheiður		Manfína
Benzína	Gestína		Mara
Berglína	Gissunn		Markrún
Bergný	Gjaflaug		Marsibil
Bersabe	Grímbjörg		Marsína
Bessabína	Gríshildur		Marveig
Bestla	Guðbranda		Málhildur
Betúelína	Hafalda		Mánasína
Bjarnasigrún	Hafgríma (1898)		Mekkína
Bjarnþrúður	Haflín		Meklína
Björnónía	Hallótta		Melkör
Blómey	Hauður		Mensalína
Blómlaug	Heiðrós		Messíana
Blædís	Hergerð		Metónía
Bogey	Hermannía		Mikkalína
Bóndlaug	Herselína		Mildríður
Bóthildur	Hippolithe		Mósíða
Broteva	Hippólía		Mundhildur
Brynfríður	Híramía		Munnveig
Byrgja	Hjalta		Myrney
Daðína	Hjörfríð		Nahemi
Dagmey	Hjörleif		Narfheiður
Dalalilja	Hjörtfríður		Neríður
Dalrós	Hreindís		Nikhildur
Danfríður	Hugljúf		Nýbjörg
Danhildur	Hörn		Októlína
Debora	Höskjóna		Olgeira
Diðrika	Iðbjörg		Ottólína
Diljá	Idda		Ósa
Drisíana	Illheiður		Ósrunn
Dýrolína	Ilmur		Óvína
Egedía	Indíana		Páley
Eggþóra	Ívör		Pálfríður
Egillína	Jafetína		Pálmey
Eik	Jasína		Petólína
Eileifína	Járnbrá		Petrónella
Eilífína	Jensey		Petrós
Einey	Jófinna		Péturlín
Einína	Jólín
Einstínveg	Jónasína
Einvarðína	Jósabet
Ektalína	Júdit	Safnað hjá Erfðafrn.HÍ 1971-1975.
Elínora	Júlietta	Heimild: Kirkjubækur
Elíveig	Júnía
Ellisif	Jörína
Emeraldína	Karlína
Emerantína	Kolvíga
Emerisjóna	Kolþerna
Eneka	Konkordía
Engilbertína	Kortrún
Engilbjörg	Kristensa

Frekar óvenjuleg mannanöfn - framhald > Konur (3:4)

Rafney	Sveinrós	Tvö eða fleiri nöfn
Rafnhildur	Sveinveig	Alma Söfrína
Randíður	Svíalín	Bentína Mekenía
Reynhildur	Sæma	Bergljót Njóla
Róbjörg	Teitný	Blædís Dögg
Rósenilja	Tómína	Dómhildur Olga Aldarrós
Rósey	Tryggveig	Eiðný Hilma
Rósfríð	Undína	Gríma Lalla
Rósída	Úlfhildur	Iða Brá
Rósinkransa	Úlfrún	Ingunn Vínvaldína
Rúfía	Vagnbjörg	Ísafold Véfreyja
Runveldur	Vagnborg	Íshildur Þrá
Sabína	Vagnfríður	Jensína Hróbjört
Salma	Vaka	Lillý Lofthæna
Salmagnía	Valey	Lonney Hilma
Septemborg	Véfreyja	Mikaelína Arí
Siglín	Vélaug	Salgerður Sveina
Sigurfljóð	Veróníka	Steingerður Védís
Sigurðhelga	Vígdögg	Sturlína Petrína
Sigurlilja	Vilfríður	Sveinfríður Horselía
Sigurunn	Vordís	Sæbjörg Esja
Silfa (Silfá)	Xenía	Sædís Austan
Skúlína	Yrssa	Þorláksína Sigurbjörg
Snjála	Þjóðbraut	Ögn Marta (1956)
Snorra	Þórvé
Sólbjört	Þórvildur	Með föðurnöfnum
Sólbrún	Ögmunda	Feldís Felixdóttir
Sóllilja	Ölrún	Svíalín Salmannsdóttir
Sólmánía	Ölveig	Vagnfríður Vagnsdóttir
Styrgerður	Ölvína	Merzíana Marzellíusdóttir
Sumarrós	Öndís	Tormóna Ebeneserdóttir
Sveininborg	Örbrún	Hippolithe Jónsdóttir (18.öld)
Safnað hjá Erfðafrn.HÍ 1971-1975. Heimild: Kirkjubækur

Er allt komið í lag á Morgablorgi?

Nú má giska á hvar ég var:

 

 

 

 

 

 

 

 

 

 

 

 

Burtséð frá réttindum reykjara og reyklausra ...

...finnst mér, eins og æði oft, að blessuð málvitund fréttaskrifara nálgist meðvitundarleysi

"öllum er gert jafnt undir höfði"

Þjóðverjum leyft að fá sér rettu á barnum

Fleiri nöfn úr: "Mannanöfn fyrr og nú - hjálpi mér himnarnir!" 2:4 (konur næst)

Mannanöfn fyrr og nú - hjálpi mér himnarnir! 1:4

Þessi færsla bloggvinar míns minntu mig á hvað ég á þrælskemmtilega lista yfir mannanöfn sem ég safnaði í vinnu minni fyrir ca 35 árum. Þau eru öll fengin úr kirkjubókum. 

Gæti ekki verið meira sammála um óbragð af sumum nöfnum sem hreinlega er klínt á sum krakkagrey, án þess að þau fái nokkru um það ráðið og foreldrarnir hafa hvorki ráð eða rænu til að skammast sín fyrir.

 

Vatn á Mars !

.